Божиќната реклама на швајцарска компанија „ifolor“ ќе ви ги насолзи очите и веројатно ќе ве потсети на приказната за Ели и Ноа од „The Notebook“.
Видеото раскажува емотивна приказна за старец кој поради деменција го губи памтењето. Пред празниците, неговата сопруга му подарува албум со фотографии од нивната младост, оживувајќи ја во неговата глава нивната прва средба.
На огромно задоволство на неговата сопруга, тој ја кани на танц, пресоздавајќи еден од моментите кои никогаш нема да се избришат од неговата меморија – моментот кога се заљубиле еден во друг.
Рекламата е создадена од „Walker Zurich“, а носи кратка порака: „Направете вашите најубави спомени да живеат вечно“.
