Природата навистина е највештиот уметник, а во тоа ќе ве уверат фотографиите од „мермерните пештери“ во Чиле.
Ова живописно место е лоцирано на езерото Генерал Карера, кое се протега на границата помеѓу Чиле и Аргентина, и е една од најголемите туристички атракции.
Пештерите восхитуваат во секој поглед, а се пристапни само со брод или кајак. Најблискиот град е оддалечен на пет часа возење.
Релјефната внатрешност се формирала од ударите на брановите во текот на илјадници години, а одушевува со магични нијанси на окер, жолта, виолетова и зелена боја, кои се менуваат во зависност од нивото на водата и сезоната.