Лавина пофалби од целиот свет пристигаат на адреса на Марк Имхоф, човекот кој доброволно потстрижува бездомни кучиња со цел да им помогне да си најдат перманентно живеалиште.
Наоружан со потребните алатки, Имхоф редовно го посетува Њујоршкиот центар за згрижување на животни, каде ги трансформира кучињата со несредено крзно, правејќи ги попривлечни за оние кои сакаат да вдомат миленик.
Самиот Имхоф има посвоено две кучиња и тврди дека средувањето на животните и елиминирањето на проблемите со крзното ги прави покротки и попријателски настроени.