Врвен илустратор, кој работи во „Marvel Comics“ и стои зад цртежите на ликови како што е Спајдермен, го искористил својот талент за да ја изненади саканата со романтичен предлог за брак. Тој создал интересни илустрации кои ги раскажуваат животите на двајцата, а завршуваат со најважното прашање во неговиот живот.
Кога Вил Слини сфатил дека неговата сакана Лаура е жената со којашто сака да го помине животот, создал цел љубовен стрип за да ја запроси.
Откако го завршил своето дело, со помош на неколку слатки мали лаги ги собрал најблиските на едно место. „Работев многу и кажав многу лаги. На пријателите и семејството на Лаура им реков дека организирам забава како изненадување за 29. роденден на Лаура. Лаура мислеше дека се работи за петочно излегување на една пијачка“ – објаснил тој за The Huffington Post.
Вил, со помош на проектор, го прикажал своето дело пред присутните, а на крајот, клекнал на колена и ја побарал Лаура за жена. „Таа беше изненадена и надвладеана од емоции, но на крајот го кажа најважното ДА“ – додал тој.
Вил Слини и Лаура
