Потстрижувањето може да биде емотивно доживување, особено кога ракот те оставил без коса.
Приказната за жена, која успеала да го победи ракот на дојка, ќе ве исполни со надеж и ќе ви покаже колку се силни лицата кои страдаат од оваа болест.
На почетокот од моќното видео, Трејси вели дека болеста ѝ ја одзела убавината и дека стравот е помоќен од желбата да се бори со болеста. Додека течат кадри од последиците од хемотерапијата врз нејзиниот изглед, таа признава: „Никогаш нема да ме слушнете да речам дека сум убава“.
Потоа, следува неочекуван пресврт и Трејси започнува да ја раскажува приказната наназад. Нејзината порака целосно се менува. „Сè уште сум убава и никогаш нема да ме слушнете да речам дека сè е надвор од моја контрола. Секој ден е убав, дури и кога животот не е фер. Не се обидувајте да ми кажете дека болеста ќе ми ја одземе убавината...“ – вели храбрата пациентка.
Видеото завршува позитивно. Трејси успева да го победи ракот, триумф кој е симболизиран со првото потстрижување. „Никогаш нема да го заборавам тоа чувство“ – вели Трејси.
„За некој кој го победил ракот, првото потстрижување е повеќе од потстрижување. Тоа е прекрасен нов почеток“ – пишува во описот.
Видеото е создадено од козметичката компанија „Ulta“. Таа ги поттикнува потрошувачите да споделуваат селфи фотографии на кои имаат розови усни, трепки или локни под хаштагот #UltaPinkOver.
Кампањата ќе се одвива во текот на месец октомври, кој е месец за подигнување на свеста за рак на дојка. За секое селфи, компанијата ќе донира по 1 долар во Фондација за истражувања за ракот на дојка.