Краткото видео „Можност“ треба да го изгледа секоја мајка на ќерка, бидејќи повикува на акција за да го направиме светот место каде девојчињата ќе растат самоуверени и свесни за својата вредност.
Видеото покажува дека додека се мали, девојчињата се сакаат себеси онакви какви што се. Тие се свесни дека се паметни, брзи и силни, се гордеат со она што можат да го направат, поставуваат прашања... Убедени се дека животот е авантура каде сè е возможно.
Но, она што не го знаат е дека светот може да биде тешко место за живеење за девојчињата. Тие не знаат дека:
- Шест од десет девојчиња престануваат да го прават она што го сакаат, бидејќи не се задоволни со својот изглед.
- До 11-годишна возраст, 30% од девојчињата ќе започнат да држат диета.
- Само 11% од инженерите се жени.
- Само една петтина од врвните готвачи се жени.
- Девојчињата добиваат повисоки оценки од момчињата во предметите поврзани со природни науки, а се помалку самоуверени за своите вештини.
На крајот видеото потсетува дека можеби малите девојчиња нема потреба да го дознаат сето ова, бидејќи светот постојано се менува, а во него, можностите за девојчињата се бесконечни. „Да се здружиме заедно за да се увериме дека тоа ќе остане така“ – овие се завршните зборови на рекламата создадена од Kazoo, нов тип на списание кое ќе ги инспирира девојчињата да бидат паметни, силни и бестрашни.
