Возрасните се често презафатени или преуморни за да им се восхитуваат на убавините на природата, но децата искрено уживаат во нив.
Татко ги овековечува неуморните авантури на своите два сина за време на летните патувања на различни дестинации. Неговите фотографии зрачат со детска невиност и безгрижност.
Адријан Мари започнал сериозно да се занимава со фотографија по немил инцидент со постариот син Емерсон. Имено, малото дете едно утро имало напад со губење на свеста и кога неговите родители сакале да го разбудат, тој воопшто не реагирал. По соодветна терапија, неговата здравствена состојба се подобрила.
Во обид да создаде што повеќе спомени за 3-годишниот Емерсон и 1-годишниот Грејсон, Мари започнал почесто да го користи својот фотоапарат. „По неколку години тие можеби нема да се сеќаваат на деновите од нивното рано детство, а тоа е главната причина што сакаме да ги снимиме овие моменти. Од дружењето со различни животни и плишени мечиња, до шлапкањето во вирови. Сакаме нивното детство да биде исполнето со најдобрите можни спомени“ – вели Адријан.
„Кога повеќето од нас се потсетуваат на детството, најчесто им надоаѓа чувство на носталгија. Па, обично ги стилизирам фотографиите за да придобијат винтиџ изглед“ – објаснува Мари.
