Многу мажи сметаат дека ќе изгледаат како „мекуши“ и „папучари“ ако се однесуваат грижливо и нежно со своите партнерки, особено онлајн или во јавност.
Маж им се обрати на сите претставници на посилниот пол за да им порача дека тоа не е точно и дека колку и да се силни нивните партнерки, тие имаат потреба од охрабрување.
Бред Кирнс, кој е татко на три деца, вели дека е прекрасно што жените се поддржуваат една со друга и во реалниот живот и онлајн, но дека таа поддршка не значи ништо ако нивните сопрузи прават да се чувствуваат безвредно.
Прочитајте го неговиот текст:
Мојата сопруга е прилично силна. Може да биде бестрашна кога сака и цврста како карпа кога мора. Претпоставувам дека повеќето жени се такви...
Постојано добивам коментари од луѓе кои ми велат: „Ми се допаѓа начинот на кој ја охрабруваш твојата сопруга“ и тоа ме замисли.
Овој свет е прилично тежок за жените. Да, тежок е и за мажите, не ме сфаќајте погрешно... но, поради некаква причина, онлајн заедницата навистина се фокусира на жените.
На нивниот изглед.
На нивниот начин на живот.
На нивните постапки кога се жртви.
На нивната вредност.
На секој кој дели навреди за женските тела, постојат милиони други кои се обидуваат да го отстранат лажното и да покажат каква е реалноста. Единствениот проблем е што речиси секогаш, тоа се жени.
Жените ги охрабруваат жените, така?
Тоа е прекрасно и добро, но и ние мажите сме тука.
Не е слабост. Нема да ти се намали мажественоста. Не мора да биде в лице. Не мора да биде јавно... Но, ако твојата партнерка е жена, без разлика колку е силна, таа има потреба од тебе за да ја охрабруваш. Дури и ако има 1.000 пријателки кои секој ден ѝ коментираат колку е совршена, тоа не значи ништо ако мажот дома прави таа да се чувствува безвредно.
Никој нема да има пониско мислење за тебе ако го правиш тоа. Никој нема да рече: „Види го оној морон во сенката на жена му“.
...Прекрасно е тоа што жени охрабруваат жени...
Но, жена која е охрабрувана дома никогаш нема да го бара тоа на интернет. Бидејќи ако те има тебе на нејзина страна, таа може да го освои светот.
Покажи ѝ дека дека си на нејзина страна и таа засекогаш ќе те сака.
