Емотивното видео за старец и лојално куче нема да остави рамнодушен ниту еден љубител на кучиња.
Краткиот филм го покажува секојдневието на возрасен маж и неговото куче. Еден ден, здравствената состојба на мажот, кој всушност е дарител на органи, одненадеж се влошува и доаѓа брза помош, а неговото милениче го следи до самата болница.
Кучето со денови трпеливо чека во дворот на медицинската установа. Во еден момент, од болницата излегува жена во инвалидска количка, која ги добила органите на почитаниот старец. Средбата на кучето и жената несомнено ќе ви побуди силни емоции.
„The Man And The Dog“ ги покажува позитивните ефекти на донирањето органи, а е режирано од Родриго Гарсија Саиз за Аргентинската фондација за трансплантација на црн дроб.
