Приказната за девојка која избира да се откаже од сонот да се школува за да се грижи за својот татко инвалид и малите брат и сестра ќе ви ги насолзи очите.
Видеото го следи животот на Сеу Фанг. Амбициозната девојка учи, работи и се грижи за татко ѝ кој е во инвалидска количка и за малите брат и сестра. Таа наоѓа време да ги исполни своите обврски и да учи во доцните вечерни часови, што резултира со одлични оценки на крајното тестирање и можност понатаму да го продолжи своето школување.
Сепак, Сеу Фанг носи одлука да се откаже од својот сон и да започне работа со полно работно време за да може да се грижи за семејството, велејќи му на својот татко дека оценките ѝ биле лоши. Погледнете ја неговата бурна реакција, но и моментот кога ќе сфати колку љубов носи неговата ќерка во нејзиното срце:
„Без разлика на сè, ниту едно дете не треба да ја жртвува својата иднина“ – се вели на крајот од видеото кое е базирано на вистинска приказна.
Видеото „Last Day of School“ е реклама на осигурителната компанија NTUC Income, која во соработка со програмата за развој на OrangeAid цели да им помогне на сиромашните деца да се школуваат.
