Видеото од спасувањето на куче со сечена нога кое било фрлено во река нема да ве остави рамнодушни. Беспомошното кученце било малтретирано, а потоа фрлено од околу 10 метра височина во река во Лос Анџелес.
Волонтери од невладината организација „Hope For Paws“ го извлекле исплашеното животинче од реката, а неговото спасување и закрепнување е документирано во 3-минутно емотивно видео.
Кучето, кое подоцна го добило името Џордан, морало веднаш да биде пренесено во ветеринарна болница.
Џордан страдал од сериозна бактериска инфекција, кожна болест и неухранетост, па за ветеринарите било вистинско чудо што ги преживеал деновите во реката. По неколку дена кученцето го добило соодветниот оперативен зафат на ногата.
Денес, Џордан е весело и разиграно куче, кое бара траен дом. Неговото закрепнување е доказ дека не треба да губиме надеж ниту во најочајните моменти.
„Иако Џордан ја изгуби својата нога, тој никогаш не ја изгуби својата надеж“ – се вели на крајот од видеото во кое е документирана 45-дневната трансформација на Џордан. Погледнете го:
