Флоренс „Сиси“ Ригни е инспиративна 90-годишна старица, која по речиси 70 години работен стаж беше прогласена за најстара медицинска сестра во Америка. Верувале или не, таа сè уште не отстапува од своето работно место.
Во чест на нејзините достигнувања, колегите од болницата во Вашингтон ѝ приредија изненадување за нејзиниот 90. роденден. Тие ја дочекаа со песна, широки насмевки и голем букет и ѝ ставија роденденска круна и розова лента.
Во видеото од роденденското изненадување, една од вработените во болницата чита писмо за Флоренс од Гувернерот на Вашингтон, Џеј Инсли. Во него, тој ја прогласува за најстарата медицинска сестра во Америка и ја нарекува инспирација за сите граѓани на Вашингтон.
„Ми се допаѓа што сум способна да им помагам на луѓето. Чувствувам дека сум благословена што сум тука“ – рекла Сиси.
„Сè уште може да трча во кругови околу луѓето кои се на половина од нејзината возраст. Таа е голема инспирација за сите нас, бидејќи сè уште работи и сè уште има бистар ум“ – рекла нејзина колешка.
Сиси сега работи двапати неделно. И покрај тоа што поминале речиси седум децении од нејзиниот прв работен ден, таа сè уште ја врши саканата професија со истата енергија и посветеност.