Куче изгладнувано со месеци било спасено од сигурна смрт, кога било згрижено од здружение за спасување на животни. Видеото од неговото закрепнување нема да ве остави рамнодушни.
Кучето, сега наречено Ангел, буквално било кожа и коски кога го пронашле спасувачите од „Rescue from the Hart“. Тоа тежело нешто помалку од 5 килограми, а 11 месеци подоцна, со соодветната грижа и нега, неговата тежина се искачила до 17 килограми. Од здружението претпоставуваат дека кучето било намерно изгладнувано и велат дека Ангел е доказ за тоа дека кога постои надеж, сè е возможно.
„Органите започнуваа да откажуваат. Беше на работ на смртта“ – изјавила Ени Харт, основачот на здружението. На почетокот, тие не смееле да му даваат храна во големи количини и кучето не можело самостојно да застане на нозе. Сега без проблем може слободно да трча и да си игра.