Кога срцето дава без да очекува ништо за возврат, не се потребни зборови.
Кратко видео нè потсетува на моќта на сочувствувањето и на тоа дека понекогаш е потребно само да сакаме, за да помогнеме некому и да промениме нечиј живот.
Во видеото, ќерка на хуманитарец е во посета на жена од Тајланд, која му помогнала на татко ѝ кога тој бил затворен и измачуван за време на војна. Ќерката се обидува да дознае што точно добрата жена му рекла на нејзиниот татко за тој да го посвети остатокот од животот на хуманитарни активности.
За време на средбата, таа заклучува дека жената не му рекла ништо на татко ѝ, туку само го фатила за рака со срце полно со сочувство.
„Сочувството е вистинска комуникација.“
Видеото е на тајландскиот мобилен оператор True Move, кој редовно допира до луѓето со емотивни пораки.