Даника Кармелина го прослави својот 18. роденден со ултра луксузна забава.
Младата девојка од Манила, Филипини, го одбележа полнолетството со екстравагантна прослава на тема „Лебедово езеро“.
Даника изгледаше како принцеза во раскошен розов фустан, а подоцна се пресоблече во црна креација.
„Мојот прв фустан беше инспириран од Лебедово езеро. Работевме заедно со дизајнерката за да го создадеме комплетниот изглед. Чинеше околу 7.000 евра и беше совршен“ – изјавила Даника.
Свеченоста го чинела семејството на Даника 41.000 долари.
На Филипините, 18-тиот роденден се смета за еден од најзначајните настани во животот на жената и се нарекува „деби“. До пред неколку генерации, ваквите дебитирања беа начин за младите дами да се претстават пред општеството како жени, кои по овој ден се подобни да стапат во брак.
Но, во изминативе години, овој настан не се фокусира толку на бракот, туку е ориентиран кон славењето на животот на девојката и нејзиниот влез во светот на возрасните.
Според традицијата, 18 значајни мажи во животот на Даника ѝ подарија по една роза.
