Артисти од целиот свет ги усовршуваат детските цртежи за да им покажат на децата колку е моќна нивната имагинација.
„The Monster Project“ е магичен микс од креативноста на децата и талентот на уметниците, чија цел е да ги поттикне малите детски умови да размислуваат големо.
За проектот, децата цртаат измислено чудовиште без никакви правила или ограничувања и без крајна оценка. Потоа, артистите го користат тоа чудовиште како инспирација за да создадат ново чудовиште, кое подоцна им се покажува на децата. На овој начин, малите ученици добиваат инстантна претстава колку нивната идеја може да порасне и што може да се случи доколку се заљубат во уметноста. Без исмејување, осудување или рангирање.