Краткиот анимиран филм „Bear Story“, кој оваа година се закити со Оскар, нема да ве остави рамнодушни.
10-минутниот филм прикажува мечка која секој ден излегува на улица и преку механичко куклено шоу ја раскажува тажната приказна за својот живот.
Мечката била одвоена од своите жена и дете, ставена зад решетки и принудена да работи во циркус. Сакајќи да се врати кај своето семејство, мечката наоѓа начин како да избега од луѓето од циркусот кои ја малтретираат и тепаат.
Откако ќе успее да избега, мечката се упатува кон својот дом за да биде со најмилите.
Режисерот Габриел Осорио изјавил дека „Bear Story“ е инспириран од вистински настан за неговиот дедо, кој бил ставен во затвор во 1973 година и разделен од своето семејство. „Се обидов да ја прикажам важноста на тоа семејството да биде заедно. Пораката е да се обидеме да не ги правиме истите грешки од минатото“ – изјавил Осорио.
Ова е прв Оскар кој замина во Чиле.