Гласините дека Џенифер Лопез и Бен Афлек ја обновија романсата стануваат сè посилни и посилни.
Холивудските ѕвезди во изминатите недели имаа повеќе средби, а викендов го поминаа заедно, што ги наведе нивните фанови да веруваат дека помеѓу нив има нешто повеќе од пријателство.
52-годишната пејачка и 48-годишниот актер се релаксираа во Монтана, а со приватен авион се вратија во Лос Анџелес.
„Џенифер помина неколку дена со Бен. Тие имаат силна поврзаност. Сето ова е брзо и интензивно, но Џенифер е среќна“ – изјавил близок на Џеј Ло за People.
Џенифер и Бен имаат љубовна историја. Тие се верија во 2002 година по неколкумесечна врска. Парот беше нарекуван „Бенифер“ и привлекуваше огромно медиумско внимание.
Денови пред да стапат во брак во 2003 година ја одложија свадбата, а официјално се разделија во 2004 година.