Хилари Свонк ќе стане мајка на 48 години: Славната актерка сподели дека е бремена со близнаци

Хилари Свонк ќе стане мајка. 48-годишната Оскаровка сподели дека е бремена и дека очекува близнаци.

Среќната вест Свонк ја откри за време на гостување во емисијата „Good Morning America“, каде носеше лелеав цветен фустан од Zimmermann за да го прикрие стомачето.

„Ова е нешто што го посакував долго време. Ќе станам мајка и не само на едно, туку на две деца. Не ми се верува“ – изјави славната актерка и додаде дека е во вториот триместар од бременоста.

.@HilarySwank is going to be a mom of TWO!

Congratulations! https://t.co/kWY5S6eOU4 pic.twitter.com/kzuG8NkpdF

— Good Morning America (@GMA) October 5, 2022

По шоуто, Хилари објави неколку фотографии на Instagram на кои го покажува стомачето.

Хилари стапи во брак со Филип Шнајдер во 2018 година, а за неколку месеци заедно ќе се радуваат на проширувањето на нивното семејство.