Никол Шерцингер и Том Еванс отпатуваа во Португалија по повод нејзиниот 42. роденден.
Популарната пејачка сподели фотографии од одморот со 35-годишниот рагбист, а објави и „Роденденска молитва на благодарноста“.
Во пораката пишува: „Ти благодарам Господе за уште една година околу сонцето. Многу сум благодарна за новиот ден, свежиот воздух во моите бели дробови и тоа што моето срце чука посилно отсекогаш.“
„Ти благодарам за радоста и силната љубов која ја примам денес од семејството, пријателите и многу луѓе од целиот свет. Благодарам што си добар кон мене и што никогаш не се откажа од мене. Ти ми го покажа вистинското значење на љубовта, среќата и мирот и јас вечно ќе бидам благодарна за тоа.“
Никол и Том потврдија дека се во врска минатата година. Тие постојано ги забавуваат фановите со видеа од нивните тренинзи и танци.
