Мишел Фајфер несомнено е една од најубавите талентирани холивудски актерки и секогаш успевала да ги остави без здив филмските обожаватели.
55-годишната ѕвезда изгледаше отмено и елегантно на премиерата на својот нов филм „The Family“ во Берлин. Шармантната дама за „прошетката“ на црвениот тепих избра црни панталони со висок струк, бела кошула и црно сако со златен дезен од модната куќа Александар MекКвин.
На премиерата на „The Family“, нарекуван уште и „Malavita“, Фајфер се појави со своите колеги Роберт Де Ниро и Дијана Агрон.
Мишел Фајфер и Роберт Де Ниро
Мишел Фајфер, Роберт Де Ниро и Дијана Агрон
Неодамна Фајфер сподели дека со текот на годините го променила драстично начинот на живот. Кога била во 20-тите години од животот пушела по две кутии цигари дневно. „Живеев на Marlboro Lights и Coca-Cola“ – признала таа. Но, сега Мишел се има фокусирано на здрав живот кој вклучува веганска исхрана и вежбање пет дена неделно.
Филмската ѕвезда открила и дека веќе не чувствува притисок да изгледа млада и дека се труди да изгледа најдобро што може за нејзината возраст. „Едноставно не е природно да се гледаш себеси како старееш на огромен екран. Тоа може да ти ја разруши психата. Мојот дерматолог еднаш ми рече: Го знаеш она огледало кое зголемува до 10 пати и кое го имаш во бањата? Фрли го. Тоа беше најдобриот совет кој го имам добиено. Се разбира, сега очите ми се послаби и не можам да се шминкам без тоа огледало! Но, откако еднаш ќе преминеш преку одреден критичен момент, притисокот е помал“ – изјавила таа.
