Меган Фокс е една од најжешките холивудски актерки и новите фотографии уште еднаш го докажуваат тоа. 26-годишната бринета позираше во долна облека за списанието „Esquire“ само неколку месеци по породувањето.
Од фотографиите тешко е да се заклучи дека Фокс го роди својот син на 27 септември минатата година, бидејќи таа веќе е во одлична форма.
Но, колку и Холивуд да ја промовира како секс-симбол, Фокс вели дека не се чувствувала пријатно со тој имиџ. „Се чувствував немоќно со тој имиџ. Не чувствував моќ. Тој го изеде секој друг дел од мојата личност. Не за мене, туку за тоа како луѓето ме гледаа, бидејќи немаше што друго да видат или запознаат. Тоа ме уништи. Затоа што не бев ништо“ – изјавила таа.
Фокс објаснила и зошто ја отстранува големата тетоважа со ликот на Мерилин Монро. „Започнав да читам за неа и сфатив дека нејзиниот живот бил многу тежок. Таа не беше моќна во тоа време. Таа беше нешто како Линдзи. Таа беше актерка на која не можеш да се потпреш, во која речиси не можеш да бидеш сигурен... Таа го имаше целиот потенцијал на светот, а тој беше прокоцкан. Не сум заинтересирана да ги следам тие стапки“ – рекла таа.
Меган споделила и дека е многу религиозна и дека редовно оди в црква, како и дека никогаш не би барала утеха во алкохолот или лекови, како многу нејзини колеги.
