Кристијано Роналдо моментално е на Ибица со својата девојка и семејството. Португалскиот фудбалер и неговата сакана Џорџина Родригез беа фотографирани додека уживаа на шпанскиот остров, а фотографиите уште повеќе ги засилија гласините дека таа е бремена.
32-годишниот спортист ужива и заедно со трите деца, мајка си, сестра си и брат си. Целото семејство беше фотографирано додека пристигнуваше на островот.
Мајката на Роналдо сподели фотографија на која тој танцува со неговата сестра.
Сестрата на Роналдо објави фотографија на која го бакнува новороденото внуче.
На почетокот на минатиот месец, Роналдо и Џорџина беа „уловени“ на одмор на Корзика, а заради нејзиното заоблено стомаче, португалските медиуми објавуваа дека таа е во блажена состојба.
Роналдо неодамна стана татко на близначиња со помош на сурогат-мајка.
