Брус Вилис се забавуваше во Дизниленд со сопругата Ема и трите ќерки.
64-годишниот актер и неговата 41-годишна сакана уживаа во забавниот парк заедно со нивните две заеднички ќерки – 7-годишната Мејбел и 5-годишната Евелин, како и со неговата ќерка Скаут од претходниот брак со Деми Мур. Во нивно друштво беше и момчето на Скаут, Џејк.
Ема сподели фотографии од двата забавни дена кои тие ги имаа во Дизниленд.
Славниот актер стапи во брак со Ема во 2009 година. Претходно, тој беше во брак со актерката Деми Мур од 1987 до 2000 година и заедно имаат три ќерки.