На само неколку дена до полуфиналето, Тамара Тодевска ја одржа втората проба на евровизиската сцена во Тел Авив и уште еднаш покажа дека заслужува пласман во големото финале.
33-годишната македонска пејачка се појавува на сцената сама додека зад неа има шест нејзини рефлексии.
ВИДЕО
Едноставната сценографија придонесува фокусот да остане на Тамара и емоциите кои таа ги оддава кон публиката.
Долгиот зелен фустан со црни проѕирни панели во горниот дел е дело на Александар Ношпал.
Евровизиската публика има само позитивни коментари за Тамара, па се прогнозира влез во финалето кое е закажано за 18 мај.
Пред пробата, македонскиот тим беше во посета на нашата амбасада во Израел. Тамара носеше модерна комбинација од брендовите на Fashion Group и ланче со приврзок со буквата Х од Rebecca, посветен на нејзината ќеркичка Хана.
