Селена Гомез е реална и искрена. 30-годишната пејачка и актерка сподели фотографии на кои позира комплетно без шминка и доби бројни аплаузи.
„Природна убавица“, „Најубава отсекогаш“, „Те сакам совршен и сладок ангелу“, „Ти се восхитувам Селена. Ме охрабруваш (всушност нè охрабруваш) да ја покажеме убавината која е во нас во ова време во кое нè гушат социјалните мрежи, на кои секој треба да биде постојано совршен и среќен. Фала ти што ни помагаш. Фала ти што ми помогна мене“ – ова се дел од позитивните коментари на фотографиите на Селена.
Неколку дена претходно, Селена објави видео на TikTok во кое ја споделува својата рутина за нега на лицето. Откако наидоа бројни коментари за видливото тресење на нејзините раце, Гомез откри дека причината за тоа се лекарствата кои ги пие поради дијагнозата со лупус.
@selenagomez PSA I got most of these products free. I ain’t just rolling like that everywhere. Use any serum to take off make up before washing. It breaks it up nicely. Also use a sponge to wipe eyes to treat eyes delicately when removing make up. K I’m done pretending I know what I’m taking about.
♬ Never Be Me - Miley Cyrus
Поради лупус, на Селена ѝ беше извршена трансплантација на бубрег во 2017 година.
Лупус е хронично автоимуно заболување, кое се појавува кога имунолошкиот систем ги напаѓа здравите ткива и органи во телото. Воспалението предизвикано од лупус може да доведе до проблеми со зглобовите, кожата, бубрезите, срцето, белите дробови и нервниот систем.
Многу е тешко да се дијагностицира лупус, затоа што во сите случаи се развива различно и најчесто знаците и симптомите укажуваат на други здравствени состојби. Најпрепознатлив знак на лупус е црвенило во форма на пеперутка на образите на лицето. И покрај тоа што не постои лек за лупус, со соодветни третмани може да се контролира.
