Били Ајлиш не остана рамнодушна на овациите и аплаузите кои ги доби за време на одличниот настап на Brit Awards со новата песна „No Time To Die“.
Откако на сцената ја прими наградата за Најдобра интернационална изведувачка, 18-годишната музичарка одржа говор во кој не можеше да ги скрие солзите. „Во последно време се чувствував многу омразено. Но, кога бев на сцената и ве видов вас како ми се смеете, искрено посакав да се расплачам и сакам да плачам сега, ви благодарам“ – рече таа со растреперен глас.
Видео
Неодамна, Ајлиш отворено призна дека често добива негативни коментари на социјалните мрежи и дека веќе престанала да ги чита.
„Престанав да ги читам пред два дена. Престанав да ги читам сите коментари. Ми го уништуваа животот. Чудно е. Колку покул работи правиш, толку повеќе луѓе те мразат. Интернетот е збир од тролови. Лудо е што воопшто сум читала коментари. Требаше да престанам многу одамна, но проблемот е што секогаш сакав да бидам во контакт со моите фанови и луѓето го уништија тоа и за мене и за нив. Тоа е ужасно.“
„Сè уште се обидувам да ги лајкувам постовите на моите фанови. Ако видам некаде мој фан, сакам да разговарам со него. Тие се луѓе, тие се јас. Тие ми се како пријатели, но интернетот ми го уништува животот, па го исклучив“ – рече успешната девојка во интервју за BBC.
Настапот со „No Time To Die“
