Љубителите на трилогијата „FIfty Shades of Grey“ добија пријатно изненадување. Филмската екипа го објави првиот краток трејлер за последниот дел „Fifty Shades Freed“, во кој фокусот е ставен на свадбата на главните ликови и нивниот меден месец.
„Ветувам дека верно ќе те сакам. Ветувам дека ќе ти верувам и почитувам и ќе те чувам безбедна сè додека сме живи и двајцата“ – ѝ вели Кристијан Греј на саканата Анастасија на нивната свадба во видеото.
Стил и Греј потоа ќе се упатат на меден месец, каде ги очекуваат нови возбудливи авантури, но и застрашувачки моменти.
„Fifty Shades Freed“ ќе започне да се прикажува во киносалите на Денот на вљубените следната година.