Вини Харлоу зрачеше со сексапил и самодоверба на црвениот тепих на доделувањето на наградите на машкото списание „GQ“.
23-годишниот модел, кој страда од витилиго, гордо ги покажа белите дамки по кожата, појавувајќи се во разголена креација.
Проѕирниот светкав фустан со висок шлиц и длабоко деколте е дело на Џулиен Мекдоналд.
Харлоу, чие вистинско име е Шантел Браун-Јанг, додека растела била исмејувана и навредувана со прекари како „крава“ и „зебра“, но тоа не ја скршило, туку ѝ помогнало да стане самоуверената личност која е денес.
За забавата по свечениот настан, Вини избра креација од Balmain.
