Рита Ора неодамна откри дека заплива во брачните води. 32-годишната пејачка потврди дека се омажи за режисерот Таика Ваитити, а сега за првпат го покажа свадбениот прстен.
За време на гостувањето во шоуто на Џими Фелон, музичката ѕвезда откри дека самата му помогнала на Таика во изборот на прстенот.
„Всушност досега никому го немам покажано прстенот, ова е првпат да го покажам прстенот и бидејќи те сакам и чувствувам како да си дел од нашата врска... Еве погледни го“ – му рече шеговито Рита на Џими.
„Знаев дека навистина сакам да бидам со оваа личност, па можеби го одведов во продавницата и му посочив кој прстен го сакам“ – со насмевка изјави Ора.
Рита изгледаше одлично во дводелна креација од Дејвид Кома.
„Беше совршено. Беше точно како што посакував“ – изјави Рита за свадбата.
Рита и Таика се заедно од април 2021 година.
