Масимо Савиќ ја изгуби тешката битка со рак на белите дробови. Популарниот хрватски пејач почина во 61-вата година од животот.
Тажната вест ја потврди неговото семејство со пораката:
„Нашиот татко, сопруг, гордост и љубов, Масимо Савиќ, нè напушти по кратка, но херојска борба.
Иако си замина од овој свет, во нашите души ќе живее вечно – насмеан, топол, снажен, полн со љубов и проткаен од уметности.
Засекогаш ќе бидеме твои девојки.
Ени и Мирна“
Масимо починал во болница во Загреб каде се лекувал од рак на белите дробови.
Пред пет години, во интервју за медиумот N1 тој го искажа својот став за смртта. „Ние не сме бесконечни. Ние сме многу конечни суштества. Таа конечност ме убива. Ја презирам смртта и завршетокот на моите мисли“ – рекол тој.
Славниот музичар ѝ се претстави на публиката со групата Доријан Греј со која издаде два албума – „Sjaj u tami“ и „Za tvoje oči“. По распаѓањето на групата, продолжи со успешна соло кариера.
По објавувањето на веста за смртта, неговите колеги се збогуваат со емотивни пораки:
Hrvatska je ostala bez još jednog sjajnog glazbenika. Preminuo je Massimo Savić.
— Ivana Tomić (@tomicivana_) December 23, 2022