Сладок момент од Одделот за хематологија и онкологија во Детската болница во Нови Сад се рашири на социјалните мрежи.
Во видеото, медицинска сестра танцува со својот пациент кој се лекува од рак за да го развесели и да му даде надеж додека ја води најтешката битка, битката за живот.
Од НУРДОР (Националното здружение на родители на деца болни од рак) напишаа:
Третманот на малигнитети кај децата трае долго време.
Ова е период кога нашите Суперхерои често се изолирани, далеку од училиштето, пријателите и секојдневието кое го познаваат.
Но, тие не се сами. Тука се нивните семејства, посветените лекари, медицинските сестри, психолозите, едукаторите, волонтерите... и ние од НУРДОР.
Заедно се обидуваме да го исполниме со топлина, игра и смеа секој ден, без разлика колку е предизвикувачки. За болничките соби, барем за момент, да станат места каде што детството не запира.
Денес споделуваме со вас еден таков момент, „џускање“ во Одделот за хематологија и онкологија во Детската болница во Нови Сад.
Еден мал чекор во ритамот на музиката носи насмевка и надеж во собата.
Заедно не дозволуваме насмевката да исчезне!
