Нов скандал го тресе семејството Бекам.
Три години по свадбата, Бруклин Бекам и Никола Пелц одлучија да си ги обноват заветите без присуството на неговото семејство.
Најголемиот син на Дејвид и Викторија и наследничката на милијардерот Нелсон Пелц по вторпат се заколнаа на вечна љубов на 2 август на имотот на нејзините родители во Њујорк. 83-годишниот Нелсон имаше централна улога и ја водеше церемонијата, додека убавата невеста ја носеше венчаницата со винтиџ шмек на мајка си од 1985 година.
Наводно, родителите Викторија и Дејвид, браќата Ромео и Круз, како и сестрата Харпер за церемонијата дознале од американски интернет страници.
Не се знае што точно е причината за кавгите меѓу Бруклин и неговите родители, како и за неговото дистанцирање од семејството. Но, во изминатиот период тој пропушти многу важни семејни собири и не се сретна со роднините додека престојуваше во Лондон.
„Ова е последниот удар во забите за Дејвид и Викторија. Срцепарателно беше за Дејвид да гледа како Нелсон има толку важна улога на церемонијата. Ниту еден член од неговото 30-члено семејство не знаеше за свадбата, ниту пак беше поканет“ – рекол извор близок до парот.
„Ова повеќе не е игра... Тие сега дури и се прашуваат зошто тој воопшто сака да го зачува презимето Бекам и дали ќе премине во Пелц?“ – додал изворот.
Бруклин и Никола стапија во брак во 2022 година на церемонија вредна 3 милиони фунти. Токму тогаш започнаа кавгите меѓу семејствата Пелц и Бекам.
