Синчето на Луисана Лопилато и Мајкл Бубле, на кое пред девет месеци му беше дијагностициран рак на црниот дроб, го прослави својот 4. роденден со забава со суперхерои.
Ѕвездата од серијата „Млади бунтовници“ сподели фотографии од тематската прослава за специјалниот ден на малиот Ноа.
Братот на Луисана, пријател и малиот Ноа
Славниот пар за првпат се отвори за лошиот период низ кој минува малото момче во ноември минатата година. Тие ги ставија кариерите на пауза за да се посветат на здравјето на синот.
Аргентинската актерка и канадскиот пејач имаат уште едно дете – синчето Елијас.
Слаткото момче очигледно е љубител на суперхероите, бидејќи и минатиот роденден му беше со тема Спајдермен.
„Сакам да споделам со сите вас дека благодарение на Бог, син ми е добро. Секако, процесот е долг, како што знаете сите, и Ноа мора да продолжи со контроли. Но, ние сме многу среќни и многу сакаме да размислуваме за иднината, да ги гледаме нашите синови како растат. Тешко е да се зборува, бидејќи сето тоа се случи пред многу кратко време, па јас сум малку чувствителна на оваа тема“ – изјави неодамна Луисана.
