Ед Ширан оддели време во својот натрупан распоред за да ги изненади малите пациенти и нивните родители во Детската болница во Квинсленд.
32-годишниот пејач, кој во моментов е на турнеја низ Австралија, неочекувано се појави во болницата. Тој два часа пееше, се фотографираше и разговараше со децата кои се лекуваат таму.
„Ед седеше и разговараше со децата, ги прашуваше од каде се, ги слушаше нивните приказни, што беше прекрасно“ – рекоа од болницата.
„Вчера видов како се смее мало момче кое одамна не сме го виделе да се насмее“ – додаде една од медицинските сестри.
„Тој беше дружељубив. Беше како остварување на сон. Многу беше забавно“ – рече обожавателка на Ед која доби шанса да пее со него.
