Пинк доби специјално признание на најновото издание на iHeartRadio Awards.
Славната музичка ѕвезда зачекори на црвениот тепих придружувана од двете деца. 11-годишната Вилоу и 6-годишниот Џејмисон изгледаа преслатко додека позираа со мајка им.
Пинк настапи на сцената со новата песна „Trustfall“, а ја изведе и „Just Give Me a Reason“ заедно со Кели Кларксон.
Својот настап го заврши со микс од „What About Us” и „Who Knew.”
„Ние луѓето сме ранливи од моментот кога ќе се родиме, до моментот кога ќе умреме и многумина од нас го поминуваат целиот свој живот бегајќи од тоа. Ранливоста значи способност да се биде ранет. Јас решив да ја направам ранливоста моја животна работа, а за оние од вас кои ми се придружија во оваа авантура, ви благодарам од срце. Благодарна сум што сум жива. Благодарна сум што го правам ова со мојот еден скапоцен живот. Најмногу од сè, Вилоу и Џејмисон, благодарна сум што сум ваша мајка“ – изјави Пинк во својот говор.
