Натали Портман стапи во брак со францускиот танчар и кореограф Бенџамин Мијипје. Парот, кој пред 14 месеци го доби своето прво дете, се заколна на вечна љубов на интимна церемонија во Биг Сур, Калифорнија.
Натали и Бенџамин на Оскарите 2012
Според првите информации, свадбата била само за најблиските пријатели и семејството и на неа присуствувале само 60 гости.
„Black Swan“ беше филмот кој ги зближи Натали и Бенџамин. Тие се запознаа во 2009 година на снимањето на филмскиот хит во кој Натали ја имаше главната улога, а Бенџамин беше кореограф. Во декември наредната година тие ја објавија својата свршувачка, но и веста дека ќе станат родители. Во јуни 2011 година Натали го роди нивниот прв син Алеф.
„Ништо не е поважно од мојот личен живот. Тој секогаш доаѓа на прво место, секогаш има смисла, а споредено со среќата од успешниот семеен живот, сè останато е плитко“ – изјави неодамна Натали за француското списание „Madame Figaro“.
