Петар Ристов е неутешен по смртта на својата сакана Фросина Кулакова. Младата девојка, која беше прегазена на пешачки во Скопје, доколку беше жива, денес ќе го прославеше својот 23-ти роденден.
Нејзиното момче полно со емоции објави фотографија од минатогодишниот роденден и напиша: „Денес требаше да дуваме за 23, ангелу мој. Нека ми ти е светол патот кон вечноста“.
Во чест на младата дизајнерка, на која ѝ претстоеше светла иднина во модната индустрија, Меѓународниот институт за мода „Изет Цури“ најави основање на Фондација што ќе го носи нејзиното име.
„Инспирирани од семејството Кулаков, ќе биде основана нова фондација во чест на покојната Фросина. Оваа фондација ќе доделува стипендија секоја година, нудејќи му на еден талентиран поединец можност за една година студирање на престижниот Меѓународен моден институт ‘Изет Цури’. Во тек се подготовки за отворањето на фондацијата, која ќе го продолжи сеќавањето на Фросина“ – пишуваат од Институтот.
