Моника Белучи е среќна во новата љубовна врска. 58-годишната актерка за првпат зборуваше за романсата со режисерот Тим Бартон.
Во интервју за француското издание на списанието „Elle“, убавата филмска ѕвезда изјави:
„Она што можам да го кажам е дека пред сè сум многу среќна што го запознав. Тоа беше една од оние средби кои ретко се случуваат во животот. Го познавам човекот, го сакам и тоа е уште една авантура која започнува. Го сакам Тим и имам огромна почит кон него“.
Моника позираше во црни и бели креации за фотосесијата за списанието.
Белучи и Бартон се познавале 17 години пред да ја започнат нивната романса минатата година откако повторно се сретнаa на филмскиот фестивал „Lumière“ во Лион.
Тогаш, таа беше почесна гостинка на свеченоста и му ја додели наградата за животно дело на Бартон.
