Џенифер Лопез беше гостинка на турнејата на Опра Винфри, на тема „Твојот живот во фокусот“.
На настанот во Инглвуд, Калифорнија, 50-годишната пејачка и актерка изгледаше прекрасно во жолт стајлинг.
Модерниот костум доаѓа од пролетната колекција на брендот Sally LaPointe.
Во интервјуто, Џеј Ло зборуваше за вереникот Алекс и неговиот однос со нејзините деца и за тоа што не беше номинирана за Оскар.
На прашањето, кои се квалитетите кои ги поседува Алекс кои ја натераа да сфати дека сака да го помине остатокот од животот со него, таа изјави: „Беше различно од сè што дотогаш имав искусено. Неговата истрајност, сè што ќе каже, го остварува. Секојпат. И тоа е важно. Тој, исто така, сака да растеме заедно. Никогаш не сум имала некој кој ќе сака да ме гледа како блескам и како растам.“
Лопез призна и дека била разочарана што не беше номинирана за Оскар.
„Бев тажна, бев малку тажна. Бидејќи многу се зборуваше за тоа. Добив многу пофалби, повеќе отсекогаш во мојата кариера. Ги читав статиите и си мислев: ‘Ох, Боже, може ли да се случи тоа?’ Но, потоа не се случи и беше мало разочарување“ – изјави таа.