Каролина Гочева денес го прослави 40-тиот роденден и објави фотографија од тортата заедно со пораката: „Другари, фала ви на сите за честитките и прекрасните зборови, ова бројче заслужуваше посебна журка, но и вака не е лошо... Не е важно колкав е кругот, туку кој е во него. Ве сакам. Cheers“.
Пројавувајќи љубов кон музиката уште од мали нозе, македонското девојче растеше пред очите на македонската публика.
Во 1991 година, на само 11-годишна возраст Каролина одушеви со својот настап на „Макфест“, по што продолжи да нижи успеси на музичката сцена.
Нејзиниот прв студиски албум беше издаден во 2000 година и беше насловен „Јас имам песна“. Во својата кариера, Каролина има издадено 9 албуми и покажа дека умешно може да си поигрува со различни музички жанрови.
Каролина два пати ја претставуваше нашата земја на Евровизија, во 2002 и 2007 година.
Каролина е во брак со уметникот Михаил Корубин.
ФОТО: Facebook и Instagram - Каролина Гочева
