Џек Пери беше дел од гостите на премиерата на „Once Upon a Time In Hollywood“ во Лос Анџелес.
Синот на прерано починатиот актер Лук Пери, познат по улогата на Дилан во „Беверли Хилс 90210“, присуствуваше на премиерата на последниот филм кој татко му го сними пред смртта. Фановите не пропуштија да искоментираат за нивната сличност.
Џек беше придружуван од мајка си Рејчел Шарп, со која Лук беше во брак од 1993-2003 година и со која имаше уште една ќерка.
Пред да се упати на премиера, 22-годишното момче сними видео на кое се искачува на билборд со ликот на татко му. „Голема премиера вечерва. Тој го заслужи ова и многу сум горд поради тоа. Најдобриот меѓу најдобрите. Те сакам засекогаш“ – напиша Џек во описот.
Лук почина ненадејно во март годинава како последица на мозочен удар. Имаше 52 години.
