Деновиве, разделбата на Лиам Хемсворт и Мајли Сајрус е жешка тема.
Откако папараците и новинарите со денови ја нарушуваа приватноста на 29-годишниот актер и ширеа лажни изјави во негово име, тој одлучи да објави кратка порака за разделбата со 26-годишната пејачка.
На Instagram, Лиам напиша: „Здраво на сите! Само една брза порака за да ви кажам дека со Мајли неодамна се разделивме и ѝ посакувам само здравје и среќа понатаму. Ова е приватна работа и јас не сум давал, ниту ќе давам, изјави на никои новинари или медиуми. Сите цитати кои ми се препишани мене се лажни. Љубов и мир“.
Викендов, претставник на Мајли објави дека таа и Лиам се разделуваат. „Мајли и Лиам се согласија да се разделат. Континуирано менувајќи се како партнери и индивидуи, тие одлучија дека најдобро е и двајцата да се фокусираат на себе и нивните кариери. Тие сè уште ќе останат посветени родители на сите нивни заеднички миленици. Ве молиме почитувајте ја нивната приватност“ – рече претставникот.
Следниот ден, популарната пејачка беше фотографирана како се бакнува со новата девојка Кејтлин.
Парот беше во врска 10 години пред да стапи во брак во декември 2018 година.