Златан Ибрахимовиќ е на заслужен семеен одмор во САД.
41-годишниот фудбалер на ФК Милан беше фотографиран на плажа во Мајами, каде беше со партнерката Хелена Сегер. Шведскиот спортист го покажа мускулестото тело кое му овозможува да се натпреварува на највисоко ниво и во петтата деценија од животот.
52-годишната бизнисменка носеше фармерки и црна маица додека чекореше покрај него разговарајќи на телефон. Заедно со нив беа и нивните синови Максимилијан и Винсент.
Златан и Хелена имаат интересна љубовна приказна. Иако многумина сметаат дека таа е со него поради славата и парите, тоа воопшто не е така. Уште пред да се запознаат, Хелена беше успешна бизнисменка, а денес нејзиното богатство е проценето на 190 милиони долари.
Парот се запозна сосема случајно пред 20 години во Малме. Тој имаше 21 година, а таа 32.
„Го остави своето Ферари лошо паркирано во Малме и го блокираше мојот Мерцедес. Не бев расположена и ми се развикав да го мрдне автомобилот. Му реков веднаш да го тргне автомобилот и тој виде нешто што му се допадна“ – рекла таа за моментот кога се запознаа.
И покрај тоа што се заедно 20 години и имаат две деца, тие не се во брак.
„И јас имам важно минато. Стојам до Златан, но ја изградив мојата кариера со многу жртви. Не сакам да се омажам, бидејќи сакам да бидам независна и не сакам да ме етикетираат како жената на фудбалерот. За мене и вака е тешко, луѓето не знаат колку многу учев, работев и се борев“ – рекла таа во интервју.
