Ева Лонгорија и Хозе Пепе Бастон пред точно четири години стапија во брак, па славната актерка одлучи да ја одбележи годишнината со прекрасно изненадување за својот сакан.
45-годишната ѕвезда организираше фламенко мини концерт во нивната градина. Славниот пар заедно со синчето Сантијаго уживаше во музичката изведба.
„Два метри оддалеченост“ – напиша Ева, алудирајќи на тоа дека ги почитуваат препораките за физичко дистанцирање.
Слаткото момче танцуваше по ритамот на музиката. „Санти учи фламенко“ – се пошегува славната актерка.
Santi is learning flamenco!! Thank you @manuelgutierrez6 and @flamencodistrict for the wonderful night! #SixFeetAway #MuchNeededMusic pic.twitter.com/7lEgw3NC6S
— Eva Longoria Baston (@EvaLongoria) May 22, 2020
Лонгорија сподели и семејни фотографии заедно со порака за сопругот. „Пред четири години се омажив за овој прекрасен маж. Најдобрата душа која ја познавам. Ти благодарам што си најдобриот партнер, во бракот и во животот! Бог нека продолжи да го благословува нашето заедничко патување. Те сакам, љубов на мојот живот! Среќна годишнина“ – напиша таа.
Ева и Хозе Пепе стапија во брак во Мексико. Нивното синче Сантијаго се роди во 2018 година.