Вчера Дејвид Бекам сподели неодолива фотографија на која ја бакнува ќеркичката Харпер во уста и предизвика лавина од спротивставени коментари.
Додека едни го критикуваа 43-годишниот поранешен фудбалер дека „греши“, други застанаа во негова одбрана, велејќи дека врската меѓу Дејвид и Харпер е прекрасна.
„Одвратно“, „Болно“, „ОК луѓе, одвратни ми сте. Татко да ја бакнува ќерка си е изопачено. Треба да се засрамите од себеси“, „Таа ти е ќерка... Зошто ја бакнуваш на усните? Тоа е бакнеж за сопругата“, „Бакнеж на образот е подобар одошто во уста. Во уста едноставно е чудно“ – се само дел од критиките упатени до Бекам на Instagram.
Но, голем дел од неговите фанови веднаш застанаа во негова обрана, признавајќи дека и самите ги бакнуваат своите деца и своите татковци во уста. Не изостануваа и коментарите дека Дејвид е прекрасен татко кој ги усреќува неговите деца.
„Нема ништо погрешно на фотографијата. Таа едноставно ја прикажува љубовта меѓу татко и ќерка“, „Многу ќерки посакуваат да се вака поврзани со своите татковци“, „Имам 41 година и сè уште се бакнувам со татко ми во уста“, „Ова е здрава врска татко-ќерка“, „Никогаш нема да престанам да ги бакнувам моите малечки во уста“ – се само дел од позитивните коментари.
Во минатото и Викторија Бекам беше критикувана што ја бакнува Харпер во уста.
