Кендал Џенер сними мејкап туторијал за „Вог“. 21-годишниот модел сподели кои козметички производи ги користи и како ја нанесува секојдневната шминка.
По објавувањето на видеото, на YouTube започнаа да се редат коментари за нејзините усни. Многу фанови на модната библија се убедени дека Кендал употребува филери за пополни усни.
Иако пред неколку месеци Кендал изјави дека нема направено корекции на лицето, многумина не се убедени дека таа ја кажува вистината.
Нејзината сестра Кајли Џенер е позната по зголемувањето на усните. Таа првично тврдеше дека волуменот е резултат на шминка, но подоцна призна дека всушност употребува филери.