Дејвид Бекам континуирано ја подигнува свеста за решавање на важни проблеми со кои се соочува човештвото денес.
45-годишниот поранешен фудбалер сними кампања за борбата против маларијата.
Во краткиот филм, славниот Британец најпрво е прикажан во иднината, остарен и со седа коса и брада. Во јавен говор, тој изјавува дека конечно успеавме да го победиме најстариот и најсмртоносниот непријател на човештвото – маларијата.
Потоа, Бекам е прикажан во сегашноста, во која сè уште се соочуваме со оваа смртоносна болест. „Како татко, ми се крши срцето што на секои 2 минути умира по едно дете од маларија“ – вели тој.
„Горд сум што го споделувам овој филм и што ја пренесувам пораката дека поздрава иднина е возможна“ – пишува Бекам.
Маларија е заразна болест што ја предизвикува мал паразит наречен плазмодиум. Светската здравствена организација процени дека во 2018 година имаше 228 милиони нови случаи на маларија, а 405.000 имаа фатален исход.
