Бијонсе се врати во родниот град за да им помогне на своите сограѓани кои изгубија сè поради ураганот Харви. 36-годишната пејачка ги засука ракавите и заедно со ќерка си Блу Ајви и мајка си Тина Ноулс им делеше оброци на преживеаните семејства во Хјустон, Тексас.
„Хјустон е мојот дом. Те сакам. Му благодарам на Бог што си добро, што твоите деца се безбедни“ – напиша Бијонсе на својот сајт.
Преку својата хуманитарна организација „BeyGood“, музичката ѕвезда донирала и илјадници долари за барем малку да помогне по големата штета која ја нанесе оваа природна катастрофа.
Како нова мајка на близначиња, Бијонсе сочувствуваше со семејствата кои имаат бебиња и мали деца и им обезбеди пелени и производи за хигиена.
„Оваа црква е мој дом. Бев можеби 9 или 10 години кога седев таму каде што сега седи мојата ќерка. Го испеав моето прво соло тука и сакам да ви се заблагодарам што се молевте за мене и што сте неверојатен пример за светлина и љубов“ – им рече Бијонсе на своите сограѓани.
Бијонсе ќе биде дел од хуманитарен настан на кој бројни ѕвезди ќе се сплотат за собирање на средства за надоместување на штетите од ураганот.
