Адријана Лима со гордост сподели фотографии од роденденот на помалата ќеркичка. Славната Бразилка на Instagram објави фотографии од роденденската прослава на четиригодишната Сиена.
На една од фотографиите, Сиена позира со поголемата сестра Валентина, додека на останатите се гледаат тортата и декорациите инспирирани од хитот на Дизни „Малата сирена“.
Лима објави и слатка порака за Сиена заедно со стара фотографија. „Пред 4 години се роди најслаткиот ангел, моето сонце, мојот живот, моето срце, моето сè – Сиена. Мама и Валентина те сакаат многу. Ние сме многу благословени што те имаме во нашите животи. Те сакаме Сиена“ – пишува во пораката.
Сиена и Валентина се деца на Адријана од бракот со Србинот Марко Јариќ. Разводот на парот беше финализиран во март годинава.
Привлечниот ангел на VS има позирано со своите девојчиња за „Вог“.
Пред неколку дена, Лима присуствуваше на настан на Maybelline во Њујорк.